Kryeministri Benjamin Netanyahu nuk konsiderohet më si një figurë e besueshme, kjo sipas një sondazhi të realizuar nga Channel 12.
Sipas sondazhit, 60% e të anketuarve dekalrojnë se nuk kanë më besim te Netanyahu. Ndërsa vetëm 38% i besojnë akoma kryeministrit izraelit.
Sipas raportimeve të “Times of Israel”, rezultatet tregojnë një perceptim më pozitiv për disa prej rivalëve politikë të kryeministrit.
Një nga kundërshtarët kryesorë politikë të Netanyahut, ish-shefi i shtabit të ushtrisë izraelite, Gadi Eisenkot shihet si një person i besueshëm nga 54% e të anketuarve.
Ndërkohë një tjetër figurë politike që do të sfidojë Netaynahun, ish kryeministri izraelit, Naftali Bennett, ka një popullaritet prej 53%.
Zgjedhjet e ardhshme parlamentare në Izrael pritet të zhvillohen jo më vonë se 27 tetor 2026, ku qytetarët do të zgjedhin 120 anëtarët e Knessetit, parlamentit të vendit.
