Cila forcë politike mendoni se mund të përshpejtojë më shumë procesin e integrimit në BE për Shqipërinë?
Kryeministri Edi Rama ka premtuar se do të integrojë Shqipërinë në BE brenda 2030 duke i dhuruar shqiptarëve pasaportën e Bashkimit Europian. Duket se ka dhe besimin e shqiptarëve.
Të dhënat e publikuara mbrëmjen e sotme të sondazhit e Report Tv në bashkëpunim me Institutin ‘Piepoli” evidentojnë se 41 % e shqiptarëve besojnë tek Partia Socialiste, në krahasim me 35% që besojnë se është PD dhe aleanca “Shqipëria Madhështore” që mund ta përshpejtojë këtë proces.
Shumë më pak, 14 % e të anketuarve kanë besim tek partitë e tjera, ndërsa 10% është shifra e të anketuarve që nuk besojnë tek asnjë.
