Solitaire dhe Minesweeper u krijuan që të mësonin njerëzit si të përdornin kompjuterin
Përpara Angry Birds dhe Candy Crush ishin Solitaire dhe Minesweeper. Por pavarësisht se shumë njerëz mendojnë se ato u shpikën për të argëtuar apo hequr mendjen nga puna, krijuesit e Microsoft Windows rrëfejnë se lojëra e famshme u zhvilluan në mënyrë që të mësonin njerëzit si të përdornin kompjuterin.
Sipas tyre, funksioni i vërtetë i lojës së famshme me letra, Solitaire, e cila u hodh në përdorim nga Windows në vitin 1990, ishte në fakt që njerëzit të ushtroheshin dhe familjarizoheshin me mausin, që për përdoruesit e parë të kompjuterit shpesh sillte vështirësi në komandim.
Krijuesit e Windows synonin që të zhvillonin shpejtësinë dhe precizionin gjatë përdorimit të mausit dhe përmes kësaj loje arrinin t’i kthenin klikimet majtas dhe djathtas në një zakon natyror.
