Tërmeti tragjik që goditi Shqipërinë, duke shkaktuar 40 të vdekur dhe mbi 600 të plagosur ka bërë bashkë gjithë shqiptarët, por edhe të huajt që kanë ofruar ndihmën dhe mbështetjen e tyre në këto momente të vështira. Ndihmave për të prekurit nga tërmeti u janë bashkuar edhe personazhe të njohur të showbizzit dhe sportit.
Bebe Rexha, përmes një videoje në Instagram, thotë se do të udhëtojë për në Shqipëri për të ndihmuar të prekurit nga tërmeti.
Ndërsa njofton se ka hapur një llogari, për të mbledhur sa më shumë ndihma, Bebe thotë se kur të vijë në Shqipëri do të sigurohet se të gjitha ndihmat të shkojnë te familjet në nevojë. /e.s/
