Gjykata e Apelit në Shkodër ka lënë në fuqi vendimin burgim të përjetshëm për vrasësin e dy turistëve çekë, në gusht të vitit të kaluar. Avokatja e autorit Sokol Mjacaj e ka cilësuar procesin gjyqësor të paragjykuar. Avokatja Elvira Jakova tha se do ta dërgojë çështjen deri në Gjykatën e Strasburgut, pasi e ka cilësuar drejtësinë shqiptare me dy standarde.Sokol Mjacaj akuzohet për vrasje me paramendim pasi ekzekutoi me armë dy turistët çekë Anna Kosinova dhe Michael Svatos. Gjykata e Shkallës së Parë në Shkodër zbatoi para dsa muajsh kërkesën e Prokurorisë, duke vendosur burg përjetë për Mjacajn, vendim që u la në fuqi edhe nga Apeli ditën e sotme.
