Sokol Havolli, shef i kabinetit të kryeministrit Isa Mustafa dhe këshilltar i tij, përmes një postimi në llogarinë e tij në Facebook, thotë se Lëvizja Vetëvendosje mundohet të fsheh fytyrën e vërtetë. Sipas tij, Atë fytyrë ua dinë juve të gjithë.
“Jeni të pa kredibilitet. Sot na shisni mend, patriotizëm dhe folklor. Ju shisni patriotizëm e folklor e në hierarki të lartë keni njerëz me të kaluar të fëlliqur.
Keni njerëz që gjatë bombardimeve të NATO-s shprehnin keqardhje për “prishje të harmonisë në Jugosllavi” nëpër gazeta të rajonit”, shkruan ai.
Sipas tij, Lëvizja Vetëvendosje ka njerëz që po këto bombardime ia larguan familjarët nga puna në sistemin e “drejtësisë” të Millosheviqit, citohet Express. (b.an)
