Snoop Dogg u arrestua në Itali me 400,000 USD cash
Policia financiare italiane arrestoi reperin amerikan Snoop Dogg, i cili kishte 400,000 USD cash, fshehur në jastëkët e aeroplanit të vet, në aeroportin Lamezia në jug të vendit, referuar mediave lokale. Snoop Dogg do të mbajë dy koncerte në jug të Italisë dhe më pas do fluturoj në Britani të Madhe.
Gjatë një kontrolli rutinë të muzikantit në avionin e tij privat, policia gjeti dy thasë me para në jastëkët e vet, që kapnin një total prej 422.000 dollarë.
Sipas ligjit italian, ndalohen më shumë se 10.000 euro të kesh me vete, e kjo është arsyeja pse muzikantit i është konfiskuar gjysmën e parave dhe i është hapur hetim. Snoop Dogg nuk është ankuar, por ka kërkuar që sa më shpejt të mbaroj punë dhe të fluturoj për në Londër.
Muzikantit do t’i kthehen paratë e konfiskuara kur ai të pagojë dënimin për shkelje të ligjit italian.
Snoop Dogg (43 vjeç) është një prej yjeve më të mëdha botërore të muzikës hip hop me 30 milionë albume të shitura, dhe është arrestuar shpesh për shkak të skandaleve të ndryshme dhe posedim të kokainës dhe marijuanës.
