Prokuroria e Posaçme kërkon 4 vite e 6 muaj burg për ish-gjyqtaren e Korçës, Mimoza Margjeka. Ndërkohë 4 vite burg prokuroria kërkon per Arben Caren, 3 vite për Skënder Demirin, 3 vite për Klaudio Zhillën dhe 1.2 vite burg për Nejon Balin.
Margjeka është paraqitur sot pranë kësaj strukture, ndërkohë që është nën akuzë për korrupsion për lirimin e një të paraburgosuri.
Konkretisht nga SPAK, gjyqtarja akuzohet për veprën penale “korrupsion pasiv të qytetarëve, prokurorëve dhe funksionarëve të tjerë të organeve të drejtësisë”.
Margjeka njihet si gjyqtarja që nuk njohu zgjedhjet e 30 qershorit 2019 në Durrës.
Ajo ishte e vetmja që nuk i dha në Shkallën e Parë, mandatin e kryebashkiakes, kandidates së PS, Valbona Sako.
Sipas saj zgjedhjet ishin nul, për shkak të regjistrimit të kandidates tjetër të BD-së për kreun e bashkisë, Valbona Sakollari, jashtë afateve të përcaktuara me ligj.
Valbona Sako e mori mandatin pasi Apeli pranoi kërkesën e PS-së duke rrëzuar vendimin e Margjekës, e cila nga Durrësi u transferua në gjykatën e Korçës, ku SPAK e kapi në një rast korrupsioni.
/s.f
