Ylli Limani ka emocionuar ndjekësit me një dedikim të veçantë për nënën e tij në ditën e lindjes, duke zgjedhur ta urojë publikisht me disa fjalë të mbushura me mirënjohje dhe dashuri.
Këngëtari publikoi në InstaStory një fotografi ku shfaqet duke përqafuar të ëmën, ndërsa e shoqëroi me një mesazh prekës:
“Urime ditëlindja mam. S’muj me ta kthy kurrë çka ke bo për mu. Faleminderit prej krejt sakrificat që i ke bo n’heshtje. Krejt çka shpresoj osht që je krenare me mu. Të dua. Edhe 100.”
Me këtë dedikim, Ylli vlerëson sakrificat që nëna e tij ka bërë ndër vite dhe shpreh dëshirën më të madhe: që ajo të jetë krenare për të. Postimi u prit me shumë komente pozitive, ku ndjekësit e përgëzuan artistin për mesazhin e sinqertë dhe lidhjen e ngushtë që tregon se ka me nënën e tij.
