Policia e Pogradecit ka marrë në mbrojtje kandidatin demokrat për Bashkinë e qytetit Eduard Kapri dhe familjen e tij, pas kërcënimit të bërë nëpërmjet telefonit një ditë më parë, ku i kërkohej të tërhiqej nga gara për kreun e kësaj bashkie.
Në mesazhin kërcënues shkruhej se do t’i zhdukin një nga pjesëtaret e familjes, nëse ai nuk tërhiqej nga gara.
Gjithashtu prokurorët kanë kërkuar pranë kompanisë telefonike më shumë detaje për numrin telefonik nga është nisur mesazhi kërcënues ndaj kandidatit Eduart Kapri.
Numri telefonik me të cilin persona akoma të paidentifikuar nga uniformat blu kanë kërcënuar 45-vjeçarin Eduart Kapri, është i padisponueshem.
