Roy Hodgson, tashmë ish-trajneri i Anglisë, ishte më i paguari midis 24 kolegëve në Euro 2016, me 3.5 milionë sterlina në vit, duke lënë pas Antonio Conten e Italisë dhe Fatih Terim të Turqisë.
Daily Mail shkruan se më pak i paguari ishte Leonid Slutskij i Rusisë, vetëm me bonuse. Arsyeja është… Fabio Capello!
Sipas tabloidit britanik, Capello paguhej me një pagë vjetrore të barabartë me 7 milionë sterlina dhe ndarja me të i kushtoi shumë Federatës Ruse, duke e futur në krizë financiare.
Në këto kushte, presidenti i federatës i kërkoi miqësisht Slutskijt, tashmë i larguar, të bënte një sakrificë për vendin e tij, të cilën trajneri e pranoi.
D.I.
