Sllovenët votojnë sot për të zgjedhur presidentin e tyre, me rol kryesisht protokollar, në turin e dytë për të cilin presidenti në ikje i qendrës së majtë, Borut Pahor është favorit.
Pahor, ish-kryeministri social-demokrat, kishte shpresuar një rizgjedhje që prej turit të parë, ashtu siç premtonin sondazhet, por arriti të marrë vetëm 47,10 për qind të votave, në sfondin e një abstenimi rekord, me më shumë se 55 për qind.
Rreth 1,7 milionë zgjedhës janë thirrur të votojnë. Rezultatet e para pritet të dalin në mbrëmje pas mbylljes së votimit në orën 19:00 (17:00 GMT).
Presidenti në ikje, 54 vjeç, është përballë një ish-komediani, Marjan Sarec, i zgjedhur lokal 39 vjeç, i cili mori 24,93 për qind të votave përballë shtatë kandidatëve të tjerë.
“Borut Pahor është kredituar me fitore, por pjesëmarrja në zgjedhje do të jetë vendimtare”, sipas vëzhguesve, që nuk përjashtojnë një të papritur për favoritin në rast të pjesëmarrjes së ulët të zgjedhësve./b.d
