“Do të ishte katastrofë nacionale nëse Recre do të zhdukej. Nëse i ndodh Recres kjo, atëherë mund t’i ndodhë çdo skuadre”.
Një dekadë është e gjatë në futboll. Në dhjetor të vitit 2006, Recreativo de Huelva shijoj një nga momentet më të mëdha në histori të veten kur mposhti 3:0 Real Madridin në udhëtim, shkruan BBC.
“Santiago Bernabeu” ishte shtangur dhe kishte mbetur në heshtje, derisa skuadra më e vjetër e futbollit të Spanjës bëri një nga befasitë më të mëdha në histori të La Ligas, përcjell sot Koha Ditore.
“Turpërim”, kishin shkruar mediumet spanjolle. Ishte e pakapshme se si “galaktikët” e Real Madridit, të përbërë nga David Beckham, Robinho e Ronaldo, pësuan një humbje aq të turpshme nga skuadra andalusiane, që ishte ngjitur në elitën e Spanjës atë stinor pas tri edicioneve të kaluara në Kategori të Dytë.
Por, tash Recreativo Huelva është duke vuajtur në Kategorinë e Tretë të Spanjës dhe një histori 126-vjeçare e futbollit është duke u rrezikuar të shuhet.
“Këtu, pikërisht këtu është futur futbolli në Spanjë. Kjo na bën krenar”, ka thënë Jose Antonio Cabrera, kreu i grupit të tifozëve të Recreativos, i cili flet për katastrofë nacionale.
Ekipi më i vjetër i futbollit në Spanjë është themeluar në vitin 1889, kur dy britanikë formuan një klub për punëtorët e huaj që punonin në minierat e Rino Tintos. Është një storie mirë e njohur në Huelva dhe një që ka vendosur qytetin e vogël bregdetar, me popullatë afro 150 mijë banorë, në hartë…
