Ka rezultuar spektakolare takimi mes Flamurtarit dhe Kamzës i mbyllur në paqe 2-2.
Një rezultat që nuk ndihmon asnjërën nga skuadrat që u munduan me të gjitha forcat për të marrë 3 pikët. Ishin miqtë ata që kaluan të parët në avantazh.Në minutën e 27-të, Stevan Raçiç ktheu në gol një penallti shumë të kontestuar, me rezultatin që mbeti në fuqi deri në fundin e pjesës së parë.
Fraksioni i dytë rezulton shumë argëtues për publikun në shkallët e stadiumit “Flamurtari” pasi u shënuan 3 gola.
Fillimisht Sidibe vendosi barazpeshën por goli i Plakut kaloj përsëri në avantazh miqtë. Reagimi i kuqezijve nuk mungoj, duke gjetur sërisht golin e barazimit, me anë të Jufo-s.
Në barazim u mbyll dhe takimi tjetër, ai mes Teutës dhe Skënderbeu-t. Një rezultat që i rri shumë ngushtë Teutës, që ishte duke udhëhequr deri në sekondat e fundit të takimit.
Golit të Ardit Hila ju përgjigj në sekondat e fundit të takimit, James Ademir, me sulmuesin që i heq dy pikë shumë të rëndësishme durrësakëve, që humbin mundësinë për të ngushtuar në -2 diferencën me Vllazninë.
a.ç
