Skënderbeu është kualifikuar në turin e tretë të Champions League pavarësisht humbjes 3 – 2 në takimin e kthimit me Crusadres te luajtur në Belfast. Takimi i parë pëfundoi me triumfin e thellë të 4 – 1 të kampionëve të Shqipërisë.
Ekipi i Mirel Josës që ishte shumë pranë fitores luajti prej minutës së 11’ me një futbollist më pak, pasi Renato Arapi i ndëshua me karton të kuq. Golat për Skënderbeun u shënuan nga Bernard Berisha dhe Liridon Latifi.
Në turin e tretë ekipin korçar e pret Milsami, skuadra moldave që eliminoi bullgaren Ludogorets, pas dy fitoreve 1 – 0 në Razgrad dhe 2 – 1 në Orhei. Ludogorets ishte një rival më i vështirë në letër, pasi ka marrë pjesë dy herë në fazën e grupeve të Champions League.
Milsami është një ekip i krijuar para 10 viteve. Sezonin e kaluar arriti të fitonte për herë të parë titullin kampion në Moldavi. Ndeshja e parë do të zhvillohet më 28 ose 29 korrik në fushë kundërshtare.
