TIRANE- Gjatë konferencës me kryeministrin Rama, Presidenti i KE, Donald Tusk e lidhi procesin e integrimit të Shqipërisë në BE edhe me heroin kombëtar shqiptar, Skëndërbeun.
“Me historinë tuaj krenare, Skënderbeun që e mbrojti Europën nga Perandoria Otomane, unë nuk kam dyshim se ju do të ecni përpara në rrugën tuaj. Jam optimist për perspektivën evropiane të Ballkanit. Ballkani perëndimor e ka vendin në BE. Integrimi i Shqipërisë dhe vendeve të rajonit është në interes të BE-së. Ëndrra ime është që Shqipëria të jetë pjesë e Bashkimit Europian. Keni mbështetjen time për çeljen e negociatave për anëtarësim. Më lejoni ta mbyll duke i bërë homazh markës historike të Shqipërisë, tolerancës fetare. Kem bindjen se jeni më europianë ju këtu, se disa europianë të BE-së”, u shpreh Presidenti i Këshillit Europian.
Presidenti i KE tha se shqiptarët kanë një “markë të tyren historike”, dhe kjo është toleranca fetare.
“Më lejoni ta mbyll duke i bërë homazh markës historike të Shqipërisë, tolerancës fetare. Kem bindjen se jeni më europianë ju këtu, se disa europianë të BE-së”, tha ai në fund të fjalës së tij.
Javanews.al/a.ç
