Skënderbeu dhe Laçi janë dy skuadrat që kanë rënë në Kategorinë e Parë, ndërsa Tirana do të luajë në “play out”.
Korçarët u mposhtën në shtëpi nga Bylis me rezultatin 2-1, në duelin direkt për mbijetesë dhe e mbyllin kampionatin në vendin e nëntë me 38 pikë.
Në krahun tjetër, Laçi barazoi me Vllazninë 1-1, por e mbylli renditjen në vendin e fundit me 37 pikë të grumbulluara.
Tirana mori një fitore shumë të rëndësishme ndaj Dinamos me rezultatin 2-0, për t’u ngjitur në vendin e tetë, atë të “play out”.
Bardheblutë e kryeqytetit do të luajnë një ndeshje shtesë, me fituesin e Besa-Pogradeci, për të synuar qëndrimin në elitë.
