Në një reagim për rrjetet sociale, kryeministri Edi Rama thekson se për Zvërnecin nuk ka ende një projekt, pasi projekti po punohet nga 5 studiot më prestigjoze në botë.
Kreu i qeverisë thekson se nuk kemi projekt për të anuluar. Po ashtu ai hodhi poshtë pretendimet që Zvërnecin do ta marrë Izraeli për ta bërë geto palestineze.
“Të anulloj projektin? Për këtë i thirrët në protestë njerëzit e mirë që ju erdhën pas edhe sot? Dakord jam, ma sillni projektin dhe e anullojmë! Po si i bëhet që ju s’keni çfarë sillni sepse nuk ka projekt? E dini pse nuk ka projekt? Sepse projekti po punohet nga pesë studio ndër më prestigjozet në botë! Klikoni Kengo Kuma (Japoni) Bjarke Ingels (Danimarkë) Jean Nouvel (Francë) Emre Arolat (Turqi) K-Studio (Greqi) dhe njihuni me autorët e projektit arkitektonik. Së shpejti, kur projekti të jetë gati, patjetër do ta prezantojmë publikisht, siç bëjmë gjithnjë me projektet e mëdha të arkitektëve ndërkombëtarë, aq më tepër për një investim historik si ky. Kështu që më vjen keq, po s’kemi projekt për të anulluar. Po me “Izraelin që ka marrë Zvërnecin për ta bërë geto palestineze”, akoma do vazhdoni? Pra do t’i keqpërdorni akoma ndjenjat e qytetarëve të mirë, pa dallim feje e ideje, që e duan megjithë zemër Shqipërinë dhe natyrën e saj?”, shkruan Rama në “X”.
“Klikoni http://powerholding.com që ta shikoni se çfarë dëmi po i bëni Shqipërisë, duke u treguar mosmikpritës ndaj një investimi 4 miliardë Euro, i cili do të realizohet prej kompanisë “Assets”, pjesë e Power Holding! Klikoni, klikoni. Po mirë, si do ta mbani gjallë me të njëjtat gënjeshtra këtë luftën tuaj të stisur me shpifje dhe me manipulime apo mendoni se ata mes jush, që më kanë besuar e votuar mua, do ju besojnë e ndjekin qorrazi deri kur ju të realizoni planin për të cilin jeni paguar, trainuar, orkestruar, madje jo nga një usta, po nga ustallarë të ndryshëm, të cilëve nuk u dhimbset natyra e Zvërnecit, po e duan Shqipërinë tokë të djegur për investimet e mëdha që dallojnë Ligën e Kampionëve me kategoritë e dyta e të treta të destinacioneve turistike?! Madje më keq, e duan në gjunj siç ishin mësuar deri dje, jo në këmbë e me kokën lart siç është, e lëre pastaj me kurorën e princeshës së turizmit mesdhetar… Do shohim, e vërteta vonon po nuk harron dhe gënjeshtrat tuaja kanë nisur që sot t’i nxjerrin këmbët e shkurtëra”, vijon ai.
Ato 5 studiot tuaja,jane si ato studiot tjera.me mashtrimin e mall,invesitor strategjik.Te gjithe kta te quajtur,invesitor stratigjike,i ke bere ti,me parate taksa paguesve,e pronat e popullit i ke falur ,sikur ti ka lene ytate.Tii mendon,se zdo te vije ora,te japesh llogari,para popullit.Jo vrtem qe do jepni llogari deri ne nji,por do ju merren,te gjitha parate e pasurtite,qe keni vjedhur pa ju bere syri terrte.Mbajeni mende mire,vareni vethe ne veshe,do pergjigjeni,do ta paguani,si frengu pulen.Ti mendon se populli mashtrohet,me brockullat tuaja,duke thene kemi plotsuar kushtet,per ne be,per cilat kushte flete ti.