Mësohet se 20 personat e arrestuar në Tiranë nga Drejtoria e Krimit Ekonomik dhe Hetimi Tatimor janë biznesmenë të njohur.
Këta shtetas ishin të përfshirë në krijimin e skemave të mashtrimit me TVSH-në, ndërsa aksioni vijon dhe në këto momente dhe priten arrestime të tjera pasi numri i personave të përfshirë në këtë veprimtari të jashtëligjshme është më i lartë.
Vala e arrestimeve ka nisur me urdhër të Prokurorisë së Tiranës, ndërsa shumica e të arrestuarve janë biznesmenë në fushën e ndërtimit dhe i kanë shkaktuar shtetit një dëm të madh ekonomik prej miliona lekësh duke mashtruar me faturat tatimore.
Në lidhje me këtë aksion të madh priten informacione të tjera nga institucionet zyrtare. /l.m
