Rastet e skemave mashtruse për sigurimin e dokumentacionit të nevojshëm për punësim në vende të zhvilluara nuk kanë të sosur. Tashmë kjo veprimtari ëhstë kthyer në në shqetëism mjaft serioz për autoritetet policore që kanë arritur të evidentojnë shumë grupime, por fenomeni tashmë është zgjeruar së tepërmi.
Pasi qytetarët dështojnë të përfitojnë azil në vendet e zonës Shengen, mundësia që ata shohin janë tentativat për të emigruar në vendet e zhvilluara larg kontinentit të vjetër. Edhe pse mashtrimi nga këto grupime tashmë ëhstë bërë i njohur, dëshpërimi i shtyn qytetarët të besojnë dhe të humbasin mijëra euro duke i lëshuar paratë tek persona apo kompani fantazmë që i mashtrojnë për punësim në vende si Britania, Australia dhe Kanadaja. Skema e mashtrimit mbetet thuajse e njëjtë nga të gjitha grupimet që ushtrojnë këtë veprimtari të jashtëligjshme.
Fillimisht organizohen takime ku qytetarëve u sqarohen disa hapa që duhet të dnjekin dhe dokumentet që duhet të plotëosjnë. Të gjitha këto sqarime bëhen për t’u dukur kompani serioze në sytë e qytetarëve, që ata më aps të besojnë dhe derdhin paratë. Shumat monetare përgjithësisht derdhen me këste për të mbajtur qytetarët varur deri në fund, dhe që skema të mos zbulohet pa u bërë zhvatja.
28-vjeçarja që zhvati dhjetëra persona
Rasti më i fundit i proceduar nga Policia bën fjalë për një vajzë të re 28-vjeçare nga Tirana me inicialet A.M. e cila ka mashtruar shumë persona për punësim në vende si Britania, Australia dhe Kanadaja. Emri i saj nuk jepet i plotë për arsye hetimore, pasi janë duke verifikuar ende shumë raste mashtrimit. Vajza vepronte në të njëjtën formë si komnpanitë e proceduara nga policia më herët. E njëjta skemë edhe me shtetasen që u prangos së bashku me të bijën disa javë më parë në zonën e ish-bllokut në kryeqytet.
Ajo organizonte takime herë pas here me të interesuarit dhe u vilte paratë me këste. Në takimet e para ajo ofronte thjesht konsulta për të qenë e besueshme, dhe më pas caktonte disa këste pagesash. Çdo pagesë ajo e justifikonte me ndjekjen e procedurave në vendet ku qytetarët shprehnin interes. Por, pasi pritën për periudha të gjata, qytetarë të shumtë vendosën t’i drejohen policisë me padi ndaj vajzës 28-vjeçare. Tashmë, uniformat blu kanë referuar dosjen në prokurori, e cila ka nisur veprimet për zbulimin e plotë të veprimtarisë antiligjore të vajzës së re që mashtroi dhjetëra persona duke u zhvatur shuma të ndryshme./Javanews/a.m.
