Skelet i një njeriu që mban një gotë vere në dorë, një shishe dhe një copë bukë është mozaiku i zbuluar në Turqi nga një grup arkeologësh.
Së bashku me pamjen duket edhe një mbishkrim në greqisht që thotë: “Bëni qejf, shijojeni jetën’.
Sipas arkeologut Demet Kara i Muzeut Arkeologjik të Hatayt, mozaiku është zbuluar në një zonë të njohur në provincën Hatay, në kufi me Sirinë dhe daton rreth 2400 vjet më parë.
Mendohet se mozaiku është pjesë e dyshemesë së një shtëpie fisnikësh, në qytetin greko-roman të Antiochia.
I njohur nga dijetarët si “Skeleti i pamatur”, mozaiku nuk është i vetmi, sepse ekziston edhe një tjetër në botë, ndoshta më pak i rafinuar, që i përket shekullit të parë pas Krishtit.
Demet Kara thotë se mozaiku është unik në Turqi, por një i ngjashëm është gjetur në Itali. Një Mozaik në Pompei tregon një skelet që mban dy shtamba.
