Partia Demokratike akuzoi sot qeverinë për afera korruptive me kompaninë turke për Skavicën si dhe kërkoi nisjen e një hetimi administrativ me pretendimin se qeveria i dha 8 pikë bonus kompanisë Syzer.
Në një deklaratë per median mesditen e se premtes, nga PD , nga Sekretari Organizativ, Enno Bozdo thuhej se , “të kapur në mashtrim, paligjshmëri e korrupsion me aferën Skavica, qeveritarët kundërshtojnë njëri tjetrin. Gjiknuri doli kundër Rames. Opinioni publik e pa qartë aferën korruptive që kjo qeveri donte të ndërmerrte me Skavicen, pasurinë më të madhe të shqiptarëve. Si rezultat i denoncimeve të Partisë Demokratike dhe presionit publik, qeveria u tërhoq dhe pranoi më në fund se ajo ka në dispozicion një studim profesionist të vitit 2009”.
“Ky studim përcakton qartë cili është opsioni më i mirë për të ndërtuar Skavicen, në dobi të interesit publik. Në këto kushte, e gjithë procedura e marrjes ne konsiderate të studimit të kompanisë Syzer dhe dhënia e bonusit kësaj kompanie, pa transparencë por si rezultat i bisedimeve sekrete, del qarte që është një korrupsion i pastër. Ne këto kushte, Partia Demokratike kërkon të shfuqizohet , vendimi që i ka dhënë bonus prej 8 pikësh klompanise Syzer, si dhe të ketë një hetim administrativ të mirëfillte, për të zbardhur këtë aferë korruptive. Ministri Gjiknuri duhet të mbaje përgjegjësi për fshehjen e studimit mbi Skavicën”., cilesonte ne deklaraten e saj PD-ja.
