Kontrolli fizik i automjeteve në skanerin e pikës doganore të Kakavijes ka sjellë kaos për lëvizjen në kufi.
Mjetet e vogla të udhëtarëve kanë qëndruar në pritje më shumë se tre orë për të pritur për kontrollin në skaner, ndërsa situata vështirësohet edhe për faktin që këtë proçedurë duhet ta kryejnë të gjitha mjetet e rënda si dhe autobuzet e linjave.
Për udhëtarët skaneri i mjetit krijon vështirësi dhe pritje pafund madje sipas tyre abuzohet me rregullat duke futur mjetet jashtë radhe. Kontrolli me skaner i mjeteve që qarkullojnë në kufi synon edhe goditjen e trafiqeve të paligjshme.
Lehtësimi i kësaj proçedure do të shmangte radhët e pritjes në kufi gjatë sezonit të verës kur fluksi i lëvizjes rritet ndjeshëm. /b.d
