Gjykata e Krimeve të Rënda ka dhënë sot masën e arrestit me burg për ish-kreun e Bashkisë Peshkopi, Shukri Xhelilin, i cili akuzohet për “shpërdorim detyre” dhe “Korrupsion pasiv” në formën e kërkimit të favoreve seksuale ndaj shtetases A.A., në këmbim të emërimit në një vend pune në strukturat e varësisë së Bashkisë Dibër.
Avokati i Xhelilit e ka quajtur të padrejtës masën e sigurisë të dhënë nga Krimet e Rënda. Xhelili u arrestua nga policia mesditën e së hënës, pas vendimit të Gjykatës së Krimeve të Rënda. Prokuroria kërkoi në gjykatë gjatë vlerësimit të masës së sigurisë për Shukri Xhelilin, “arrest me burg”, çka është pranuar nga trupi gjykues.
Ish-kreu i bashkisë së Peshkopisë u filmua ndërsa ngacmonte seksualisht një 20-veçare në zyrën e tij dhe më pas në një dhomë hoteli në marrëdhënie intime.
D.I.
