Pas lajmit se në burgun e Shën Kollit në Lezhë, është liruar një vrasës i dënuar me 20 vjet burg, Ministria e Drejtësisë ka shkarkuar nga detyra 3 inspektorë të burgut.
Për të këtë çështje është prononcuar edhe vetë Ministri Manjani i cili tha se do të presë hetimin e prokurorisë lidhur me situatën, duke shtuar se ai që ka shkelur ligjin nuk do të tolerohet.
“Duhet të respektoj deri në pikën e fundit një hetim që ka nisur tashmë. Është cështje që meriton hetim të plotë. Sa i takon shkarkimeve, as më dridhet dora fare, jo tre inspektorët e SHKB që kanë fjetur gjumë, por edhe të gjithë është minimumi që duhet të bëj t’i shkarkoj nga puna”, tha Manjani.
Bëhet fjalë për lirimin e shtetasit kosovar Shuaip Zukaj i kërkuar dhe nga interpoli. Ai u lirua nga burgu Lezhës edhe pse ishte dënuar 20 vite për akuzën e një vrasjeje në Kosovë. Ky person do duhej të ekstradohej në Kososvë por administrata e burgut të Lezhës e ka lënë të lirë. java/ a.k
