Skandali me recetat e barnave. Roçi: Paratë i luajta në bixhoz
500 mijë eurot e vjedhura nga buxheti i shtetit në skandalin me barnat e rimbursueshme kanë përfunduar të gjitha të luajtura në lojra fati. Pronari i katër farmacive fiktive dhe i vetmi persona që ndodhet pas hekurave për këtë çeshtje Hysni Roçi deklaron se, i ka lënë paratë të gjitha në kazino dhe pika të basteve sportive. Roçi është marrë në pyetje nga grupi hetimor duke deklaruar se, nuk ka asnjë lek nga shuma e vjedhur në skemën e mashtrimit.
Në prokurorinë e Tiranës kanë mbërritur dhe informacionet e bankave të nivelit të dytë, të cilat kanë verifikuar llogaritë e Roçit dhe njerëzve të tij të afërt. Në këto llogari nuk janë gjetur shuma parash që nuk janë të justifikuara.
Edhe në emër të 8 personave të tjerë që janë nën hetim për këtë çështje nuk ka para të pajustifikuara në banka. Pritet që prokuroria në ditët në vijim ti kërkojë informacion Agjesisë së Lojrave të Fatit ,për të vërtetuar pretendimet e të akuzuarit.
Pas përgjgijeve që do vijnë nga ky institucion do të mund të faktohen pretendimet e Hysni Roçit. Grupi hetimor i kësaj dosja vazhdon kryerjen e veprimeve dhe marrjen në pyetje të personave të përfshirë në këtë skandal. Të njëjtat veprime po kryhen edhe në prokuroritë e rretheve të Elbasanit, Durrësit, Fierit dhe Vlorës ku ka dyshime se kj skemë mashtrimi funksiononte.
Dëmi që i është shkaktuar shteti dyshohet të jetë disa miliona euro. Në prokurorinë e Tiranës janë pyetur rret 50 mjekë dhe farmacistë. Ata kanë mohuar të kenë qënë pjesë e kësaj skeme, duke ngritur kështu dyshime se janë flasifikuar firma, vula si dhe receta të lëshuara nga mjekët.
Skandali u bë publik në muajin qershor në parlament nga ish-kryeministri Sali Berisha. Sipas një raporti të përgatitur nga Agjencia Anti-korrupsion në kryeministri rezulton se pjesë e skëmes në Tiranë ishin 47 farmaci dhe në total dyshohet se janë vjedhur rreth 1,5 miliardë lekë.
