Katër mijë lekë në taketuken e makinës dhe e kalon kontrollin teknik, edhe po ke defekte. Kjo është mënyra sesi e kalojnë automjetet kontrollin teknik në qendrën e kontrollit teknik të automjeteve në Laç . Radhët e gjata të automjeteve për kolaudim, por edhe korrupsioni i punonjësve kanë detyruar një grup shoferësh të Laçit që t’i drejtohen emisionit Fiks Fare.
Sipas denoncimtit të qytetarëve nga Kurbini, në pikën e kontrollit të automjeteve në këtë rreth, nuk kalon asnjë automjet pa paguar lekë nën dorë punonjësve të kësaj pike, “ Fiks – Fare” nisi edhe investigimin. Fillimishtë gazetarët e këti emisioni biseduan me drejtues të automjeteve të cilët ishin ishin në radhë për të kryer edhe kolaudimin e mjeteve të tyre, ku mësuan sasinë e lekëve që duhej të paguanin për punonjësit e kontrollit të automjeteve dhe vendin se ku duhej të linin lekët. Sipas drejtuesve të mjeteve që ishin në radhë për t’u kolauduar, për kalimin e një autoveturë, duhej të “ linin në taketuken e duhanit ose në afërsi të leves së marshit të makinës, nga 3000 – 5000 lekë, kjo në vartësi të mjeteve që kishim për kolaudim. Nëse nuk paguhej kjo shumë mjeti nuk kalonte në kolaudim.
Sipas drejtuesve të automjeteve kjo pagesë është e pashmangëshme”. Për të vërtetuar një gjë të tillë gazetarët siguruan një autoveturë, e cila edhe pse nuk ishte në kushte teknike për të lëvizur gazetarët e dërguan automjetin në pikën e kontrollit të mjeteve në Kurbin. Fillimisht bashkepuntoret e Fiks fare futen 4000 lekë në taketuken e cigareve në makinë dhe më pas e mbyllën atë, për të mos provokuar punonjësit e pikës së kontrollit. Më të afruar mjetin pranë pikës së kontrollit, është përgjegjësi i pikës i cili merr mjetin.
Me të hyrë brënda në autoveturë, të parën punë që bën kryekontrollori i Qendres Kontrollit te mjeteve Laç, hap kapakun e taketukes së cigareve dhe pasi sigurohet që lekët ishte brënda, tregon edhe kontrollorit të pikës, duke i pohuar se gjithçka ishte në rregull. Pasi del nga makina, punonjësi i dytë i pikës futet në makinë merr autoveturën hap kapakun e taketukës dhe merr 4000 lekëshin duke e future në xhep.Më pas mjeti futet në pikën e kontrollit dhe nuk i matet sasisa e ndotjes që çlirohet nga djegja e karburantit. Po kështu mjeti nuk ngrihet në vinç për të parë pjesët xhenerike të tij nëse janë të rregullta apo jo. Ndërkohë që për të justifikuar gjendjen e mjetit, punonjësi i Qendres së kontrollit të automjeteve Laç e kthen mbrapsh drejtuesin e mjetit.
Pra ne kontrollin e pare makina ngeli per mosfunksionimin e nje llampe. Pasi bashkepuntori i Fiks fare shkon ne arken e qendres se kolaudimit te automjeteve, paguan tarifen prej 780 lekesh takon perseri kryekontrollorin Kryekontrollori I thote bashkepuntorit te Fiks fare se nuk do te hynte perseri per kontroll. Ai kthehet pas 30 minutash për të marrë letren kaluese, te kontrollit pa e futur sërisht për kontroll mjetin. Kaq ka mjaftuar që mjeti të kolaudohej dhe gazetarët të merrnin fletën e kolaudimit për të lëvizur normalishtë me mjetin.
