Qeveria shqiptare ka përgëzuar institucionet përkatëse që çuan në zbulimin e skandalit me barnat dhe rimbursimin e tyre, ku si rezultat u arrestuan 8 persona, mes tyre edhe kreu i FDKSH Pjerin Xhuvani. Në një dalje për mediat, Ministri për Çështjet Vendore Bledi Çuçi i cili theksoi se hetimi është nisur nga departamenti anti-korrupsion pranë Kryeministrit dhe u finalizua nga ana e Prokurorisë.
Çuçi u shpreh se me këtë jepet edhe mesazhi që kultura e pandëshkueshmërisë s’do ketë vend në qeverinë tonë.
“Dëshmi e qartë e angazhimit të qeverisë për të luftuar korrupsionit ndaj kujtdo. Përfgëzoj Prokurorinë që çoi deri në fund një hetim të nisur nga departamenti anti-korrupsion pranë Kryeministrit. Inkurajommë Prokurorinë të veprojë në të njëjtën mënyrë me të gjtiha denoncimet e çuara nga Kryeministri.” tha Çuçi
Ministri shtoi se ka edhe dosje të tjera të zyrtarëve të lartë të cilat i janë adresuar Prokurorisë për hetim dhe nga të cilat pritet rezultate.
“Qoftë për zyrtarë të qeverisjes, qoftë për të shkuarit. Vetëm përmes një bashkërendimi të institucioneve bashkëvepruese do të kemi rezultate konkrete në luftën kundër korrupsionit. Kemi çuar shumë dosje të zyrtarëve të të gjithave niveleve, përfshirë edhe të nivele më të larta të qeverive.” u shpreh ai
