Mediat greke i kanë kushtuar një artikull skandalit të rrjedhjes së pagave në vendin tonë. Protothema.gr pasqyron në artikullin e saj se mbi këtë skandal janë arrestuar 4 persona dhe se këto rrjedhje nuk ishin shkelje të sistemeve por vjedhje nga disa individë.
Gjithashtu në artikullin e medias greke shkruhet se në momentin që u zbuluan këto të dhëna, u krijuan konflikte mes punonjësve të të njejtës niveli.
Artikulli i Plotë:
Autoritetet shqiptare arrestuan sot katër persona të dyshuar për nxjerrjen e të dhënave personale të më shumë se 630 mijë personave, të cilat më pas u shpërndanë në internet, si pagat dhe targat e makinave të tyre.
Dy nga të arrestuarit janë teknikë IT që punonin në tatimet dhe dy të tjerët, blerës të dhënash, punojnë në sektorin privat, sipas prokurorisë së Tiranës.
“Hetimet tona kanë treguar se nuk po përjetojmë asnjë shkelje të sistemeve, por disa punonjës arritën të vidhnin të dhënat për t’ua shitur individëve”, tha prokurorja Elisabeta Imerai në një konferencë shtypi në Tiranë.
Vjedhja bëri bujë në Shqipëri pasi të dhënat u zbuluan aksidentalisht në mes të dhjetorit dhe shqiptarët filluan t’i dërgonin njëri-tjetrit skedarë përmes WhatsApp, të cilat përmbanin detaje të ndryshme.
Shumë u shqetësuan kur zbuluan boshllëqe në paga midis zyrtarëve të së njëjtës gradë, si në sektorin publik ashtu edhe në atë privat. Prokurorët nuk pranuan të thonë se si blerësit do t’i përdorin të dhënat dhe cilët ishin marrësit, duke shpjeguar se hetimi i tyre ishte në vazhdim./m.j
