Luljeta Çobanaj, konsulle e Shqipërisë në Milano, është shkarkuar sot nga detyra, me vendim të Ministrisë së Punëve të Jashtme.
Vendimi i Ministrisë ka ardhur pas denoncimit në emisionin “Stop”. Emisioni vërtetonte se si në Konsullatën në Milano paguheshin 1000 euro për të marrë brenda ditës një akt martese.
Akti i martesës nga Konsullata është i domosdoshëm për shtetasit shqiptarë që lidhin kurorë në Itali, por procedura zgjat dy javë.
Me pagesën 1000 euro për sekserët rreth konsullatës, akti bëhej gati brenda ditës.
Emisioni “Stop” e vërtetoi duke shkuar për marrjen e një akt-martese në Milano.
Në video, sekseri premton mbylljen e dokumentave, ndërkohë që shpjegon se nga 1000 euro 800 shkojnë për konsullen.
Dokumenti i paraqitur nga “Stop” mban firmën e Luljeta Çobanajt.
Pas publikimit të këtyre fakteve, Ministria e Punëve të Jashtme ka vendosur shkarkimin e Konsulles së Përgjithshme.
Thela e madhe shpesh te ngec ne gryke , dhe keshtu duhet te perfundojne te gjithe keta politike beresa e perfituesa te saj te cilet kane qene te pa nenshkueshemit keta te Babezitur .