Gjykata e Durrësit ka liruar të kërkuarin për trafik droge në Itali, Alket Hatija, i cili u arrestua ditën e sotme në qytetin e Durrësit, pas bashkëpunimit të policisë shqiptare me atë italiane.
Gjykata e Shkallës së Parë në Durrës e ka cilësuar si të paligjshëm dhe të pambështetur në prova arrestimin e Alket Hatias duke e liruar nga burgu, pasi sipas gjykates për veprat që akuzohet në Itali e ka kryer dënimin.
Alket Hatija u arrestua 3 ditë më parë në qytetin bregdetar dhe ishte pagëzuar si “Zoti i drogës” nga italianët, që e kanë dënuar me 20 vite burg në 2015.
Gjykata e ka nxjerrë në masë sigurie duke e lënë të lirë. Ndërkohë prokuroria kërkoi 40 ditë burg për ekstradimin e tij në Itali. Kërkesa për Hatijan nuk u pranua nga gjykatësi Petraq Curri.
Policia kerkoi 40 dite burg me qellim ekstradimin e Hatjes drejt Italise, por gjykata ka refuzuar kerkesen duke e lene te lire.
Në njoftimin e Policisë së Shtetit në datë 8 Korrik, deklarohej se Alket Hatia është dënuar në 30.09.2015 me 20 vite burg nga Apeli në Itali për trafik droge.
‘Gjykata e Apelit/ Itali me Vendimin Nr. 4526, datë 30.09.2015 ka caktuar masën e dënimit me 20 vjet burgim, më ngarkim të shtetasit të mësipërm, për veprën penale” Trafikimi I lëndëve narkotike, e kryer në bashkëpunim” parashikuar në nenet art.110, art.73, 73/6 , 80/ 2 të Kodit Penal Italian dhe Dekretit Nr. DPR 309/90’ thuhet në njoftimin për mediat të policisë.
I konsideruar si një ndër baronët më të mëdhenj të drogës, i cili ishte në gjendje të në dërgonte qindra kilogramë heroinë dhe kokainë nga Shqipëria në Itali, është arrestuar para kater ditesh, por u lirua nga gjykata.
I identifikuar si Alket Hatija, 44 vjeç, është arrestuar pak ditë më parë nga policia shqiptare, pas të dhënave të karabinierëve të Milanos, që e kërkonin në kuadër të një dënimi në mungesë me 20 vjet burg.
Media italiane Ansa, shkruan se agjentët shqiptarë e kanë arrestuar në Durrës, teksa Hatija po shkonte të takonte një shokun e tij.
Por një mundësi për të mos u humbur, duke qenë se 44-vjeçari jetonte në një vilë i izoluar si me qenë në një bunker në Berat, i cili ruhej gjatë gjithë kohës nga truproja të armatosura.
Ai akuzohet për transportimin në Milano, në periudhën 2003-2004 të 350 kilogramëve heroinë dhe 190 kg kokainë. Ngarkesa këto me vlerë 35 deri në 45 milionë euro.
Hatija njihet si një trafikant i “pastër”, dhe se nuk e prekte asnjë gram të substancës me dorë, por në sajë të telefonatave (rreptësisht të disponueshme) ai ishte në gjendje të lëvizte sasi të mëdha drogë.
a.ç
