Dy ditët e fundit, mediet kanë raportuar për disa takime të përsëritura, të ish-nënkryetarit të PD-së, Astrit Patozi, në Qarkun e Korçës. Takimet e suksesshme, janë pasuar nga një shqetësim i madh i Lulzim Bashës, për shkak se në Devoll, më shumë se gjysma e Kryesisë nuk mblidhet, në Korçë, gati e gjithë Kryesia. Shumica e anëtarëve të Kryesisë, Kryetarët e grupseksioneve dhe drejtuesit e rëndësishëm në vite shkojnë në takim. E njëjta situatë, por edhe më e ndezur në Pogradec. Disa takime që shprehin hapur, kritikat e bazës së demokratëve, ndaj Lulzim Bashës, pazaret e kreut të PD-së me Edi Ramën, dhe tradhtinë që ky i fundit ka bërë ndaj demokratëve.
Takimet patën jehonë dhe sukses të padiskutueshëm, çka ka sjellë edhe reagimin dhe shqetësimin e Lulzim Bashës, që i është përgjigjur nga dy simbolikat e sharlatanizmit politik në PD, Tritan Shehu dhe Ervin Salianji.
Ca me histori preshi, e kush nga para e kush nga pas, histori të vjetra e të reja që tashmë shqiptarët i dinë. Më qesharake se çdo gjë është fakti, kush e mbron Lulzim Bashën dhe pse?
Për parim dhe moral, gjithçka do vlente, por jo kurrë Lulzim Basha e mori PD-në 5 vite më parë, në ditën e saj më të errët kur kalonte në opozitë, në vend që ta ngrinte dhe i forconte themelet, i uli të paktën 30% të votave, e çoi 230 mijë vota më pak, duke vënë në lista histori me presh, apo histori perverse dhe banale, të deputetëve të saj.
Lulzim Basha sot zbuloi pse heshti dhe nuk foli kurrë për skandalin, pervers, imoral dhe të pisët, “Salianji-GD”. Sot Lulzim Basha e tha me surratin e kllounit të tij, i gjatë dhe me zë të hollë, njësoj si Luli, se perversiteti dhe imoraliteti, tashmë ishin kthyer në vlerat dhe parimet që mbronte Lulzim Basha. Luli heshti, shpërblimin e mori sot. Prandaj gjithçka është thënë për listën imorale të Lulzim Bashës, e cila flet nga dritarja e Edi Ramës, siç është media e klientelistit të qeverisë akuzuar nga vetë PD.
Klientela e Ramës, heshti dhe censuroi videon “Salianji-GD”, sot nga dritaret e atyre medieve, po mbështetet Lulzim Basha. Sa qesharake aq edhe e neveritshme. Një tjetër provë, se koalicioni Rama-Basha është një ëndërr e parealizuar, por marrëveshja jeton dhe koha e vërteton gjithçka, edhe pse Basha hesht kur i plasin skandalet dhe pse mediet e Ramës i vihen në shërbim, për ta shpëtuar Lulin dhe palaçot e tij që i vijnë vërdallë.(CNA.al)
