Implikimi i sipërmarrësit dhe politikanit të njohur amerikan Michael Bloomberg në politikat e shteteve në lidhje me duhanin nuk është fort i padëgjuar. Por, një artikull i ri investigativ ekspozon ndikimin shumë më të madh sesa e mendonim të organizatave të financuara nga Bloomberg tek institucionet e rëndësishme të qeverive në vendet me të ardhura të ulëta ose të mesme.
Artikulli me titull “Exposed: Bloomberg’s Anti-Tobacco Meddling in Developing Countries” (“Ekspozohet: Ndërhyrja Anti-Duhan e Bloomberg në Vendet në Zhvillim”) i shkruajtur nga Michelle Minton për CEI, bazohet në 128 faqe që tregojnë strategjinë e Fushatës për Fëmijët Pa Duhan (CTFK). Këto dokumente tregojnë se Bloomberg ka ndërtuar një rrjet “partnerësh” në shtete në zhvillim, që përfshijnë agjencitë qeveritare dhe institucione të tjera të rëndësishme. Këta “partnerë” kanë krijuar një kor të sinkronizuar në mënyrë që të duket si një konsensus organik. Por në fakt, politikat që nxjerrin këto institucione janë të gjitha të orkestruara nga i njëjti burim, Bloomberg-u.
Bëhet fjalë për 700 milionë Dollarë grante që shkojnë për kërkime të orkestruara si edhe projektligje dhe ligje të mbështetura prej këtyre kërkimeve. Më i madhi prej përfituesve të Bloomberg Philanthropies është CTFK, më tej edhe Organizata Botërore e Shëndetësisë apo edhe International Union Against Tuberculosis and Lung Disease (shkurt: Unioni). Por ndërsa këto grante nga Bloomberg janë publike, ato për të cilat nuk ka transparencë janë se ku dhe për çfarë shkojnë këto para.
Duke u nisur nga strategjia e ekspozuar e CTFK-së, duket shumë e qartë se shumë prej këtyre fondeve shkojnë pikërisht për të paguar ndikimin e Bloomberg-ut tek qeveritë për të miratuar ligje shumë radikale kundër duhanit. Plani jo vetëm që refuzon, por synon në mënyrë aktive të luftojë çdo qasje të propozuar për rregullimin e duhanit që mund të bazohet tek nevojat e veçanta të njerëzve.
Ashtu si me të gjitha nismat anti-duhan të financuara nga Bloomberg, CTFK ndjek ekskluzivisht një qasje të tolerancës zero ndaj çdo përdorimi të duhanit, dhe kërkon zbatimin uniform të ligjeve agresive të duhanit të diktuara nga “autoritetet ndërkombëtare” (nga vetë ata dhe anëtarët e tjerëtë rrjetit të Bloomberg). Siç ka treguar përvoja, qasjet e tolerancës zero nuk funksionojnë, dhe shpesh dështojnë.
Siç ndodhi në rastin e Turqisë, i cili mbahet si “një rast suksesi” pasi ka implementuar thuajse të gjitha ligjet e propozuara nga OBSH-ja për kontrollin e duhanit. Pas kësaj Turqia në fakt pësoi një ngritje të dukshme në numrin e duhanpirësve: nga 27% në 2012-ën në 31% në 2018-ën.
Kështu, përkundër provave mbizotëruese se burimet jo të djegshme të nikotinës (p.sh. snus, duhan i nxehtë, cigare elektronike) janë thelbësisht më pak të dëmshme dhe shumë efektive për ndërprerjen e pirjes së duhanit, strategjia e CTFK përfshin kufizime dhe ndalime që synojnë të ndalojnë plotësisht përdorimin e duhanit në këto alternative.
Cilat qeveri ka financuar Bloomberg-u?
NëKinë, ku financuar qeveritë e tre provincave (Zhuhai, Guangzhou dhe Guangdong) si edhe ente të tjera drejtuese, që ato të ndalojnë pirjene duhanit në ambiente të mbyllura dhe të promovojnë miratimin e rregullores kombëtare të kontrollit të duhanit.
Në Brazil, CTFK shkruan se i dha Zyrës së Avokatit të Përgjithshëm “mbështetje financiare siç kërkohet” për të çuar më tej axhendën e saj të çështjeve gjyqësore.
Në Vietnam, CTFK zbulon se së bashku me Unionin dhe Bloomberg, financuan Fondine Kontrollit të Duhanit në Vietnam si dhe Departamentin e Politikës Tatimore në Ministrinë e Financave.
CTFK vëren se në 2015-ën një nga përfituesit e saj nëUkrainë, Qendra Rajonale e Avokatisë LIFE (shkurt: LIFE), “prezantoi projektligjin 2820 përmes aleatëve të deputetëve në Parlament” dhe përshkruan planet për “të punuar në një projektligj të ri” nëse dështon kjo masë.
Në Bosnjë, CTFK mburret me faktin se Ministri i Shëndetësisë miratoi një projekt-ligj “të hartuar nga përfituesi i grantit PROI [Përforcimi Progresiv i Organizatave dhe Individëve] me ndihmën e CTFK.”
Në Amerikën Latine, aktivitetet e CTFK përfshinin “hartimin e argumenteve ligjore dhe propozimeve legjislative në vende të caktuara për të autorizuar ndalime ose rregullore kufizuese të këtyre produkteve [duhanit me aromë] dhe për të mbështetur përpjekjet e lobimit”.
Në Filipine, përshkruan përpjekjet “për të ngritur dhe shtyrë një ligj kundër duhanit” që synon të bllokojë përfaqësuesit e industrisë së duhanit që të mos jenë pjesë e procesit të politikës, duke theksuar më tej se një projekt-ligj i tillë “është hartuar dhe do të depozitohet sapo të jenë krijuar kushtet.”
Në Afrikë, ajo vë në dukje se “përmes mbështetjes së vazhdueshme të CTFK-së, Etiopia ka hartuar dhe avokuar për miratimin e [ligjeve të kontrollit të duhanit] që duhet t’i paraqiten Parlamentit deri në Shkurt të 2017-ës.”
Lexojeni artikullin e plotë në këtë link: https://cei.org/blog/exposed-bloombergs-anti-tobacco-meddling-in-developing-countries/
/a.r
