Në mbledhjen e Këshillit të Sigurisë të thirrur dje nga Presidenti Bujar Nishani, është konsumuar një shkelje e rëndë e ligjit nga vetë Kreu i Shtetit.
Bëhet fjalë për një prej këshilltarëve të tij, i pranishëm në mbledhje, por të cilit ka më shumë se 6 muaj që i ka mbaruar çertifikata e sigurisë.
Ky fakt është mësuar nga redaksia e Lexo.al, nga burime konfidenciale.
E gjithë kjo bëhet akoma dhe më e rëndë kur me ligjin e ri të miratuar në Kuvend të gjithë personat të cilët për shkak të detyrës njihen me përmbajtje informacioni të klasifikuar, duhet që 6 muaj para skadimit të çertifikatës së sigurisë të nisin procedurat, në mënyrë që personi të rezultoje i “pastër”.
Sipas ligjit në fjalë njeh si përgjegjës Kreun e Shtetit i cili është ai që zotëron informacionin se cili nga këshillltarët e tij ka çertifikatë sigurie. Por kjo mesa duket nuk i bën përshtypje Presidentit i cili nuk e ka per turp tashmë te konsumoje skandal pas skandali.
Nga ana tjetër, ligji njeh përgjegjësi madje akoma më të madhe për ata që japin informacion të klasifikuar njësoj si për ata që njihen me informacion të klasifikuar. /Lexo.al/a.m.
