Fiks Fare denoncoi mbrëmjen e së hënës veprimet e një laboratori privat në Laç i cili për 30 sekonda të nxjerr përgjigjet e analizave të gjakut komplet dhe 20 min të proteinës reaktive.
Në këtë situatën epidemike të gjithë laboratorët në vend të licensuar apo jo, marrin përsipër të bëjnë analizat e paketës Covid-19, duke abuzuar në kurriz të pacientëve.
Gazetarët e Fiksit morën një informacion se një laborator në Kurbin i bënte analizat e gjakut për 30 sekonda. Menjëherë ata u drejtuan në qendrën shëndetësore Laç. Gazetarja e Fiksit u prezantua si një banore e re me simptoma covid, dhe mjekja e familjes u tregua e gatëshme ta vizitonte dhe ndihmonte.
Duke iu përmbajur protokollit të pandemisë mjekja e këshillon të bëjë analizat përkatëse në shtet dhe dy analiza të cilat bëhen vetëm në privat, PCR dhe D-Dimer.
Në këto kushte gazetarët e Fiksit i drejtohen laboratorit Amaris për të bërë analizat e gjakut. Në kushte të papërshtatshme gazetares së Fiksit i merret gjaku nga personeli i klinikës. Laborantja gjatë gjithë procesit të marrjes së analizës së gjakut nuk përdor doreza dhe as veshje kundër covidit.
Ajo shpjegon se analizan e D- Dimer nuk mund ta bënte atë ditë pasi klinika kishte mungesë të kiteve, por i premton se nëse do të gjente një të tillë do i telefononte për ta lajmëruar. Ndërkohë që bëhej ky diskutim midis gazetares dhe laborantes , brenda 30 sekondave doli përgjigja e analizës së gjakut komplet. Kurse për analizën e PCR laboratorit iu deshën vetëm 20 minuta për të nxjerrë përgjigjen.
Po atë ditë, në darkë laborantja telefon gazetaren e Fiksit dhe i thotë që të paraqiten të nesërmen në klinikë për të marrë edhe përgjigjen e D-Dimer sepse e kishte gjetur kitin.
Me marrjen e përgjigjeve të analizave Fiksi drejtohet mjekjes së familjes për të parë rezultatin. Mjekja në bazë të analizave shprehet se gazetarja e Fiksit po kalon një gjendje virale, pasi eritrosedimenti është i rritur dhe mbi normë. Ajo gjithashtu del në këtë konkluzion pasi edhe dy parametra te tjerë janë të rritur, PCR është e rritur ndërsa D-Dimer është në kufirin më të lartë. Pra sipas saj ,në bazë të këtyre analizave pacientja është duke kaluar një infeksion, ndoshta viral.
Pas marrjes së përgjigjes së analizave nga Laboratori Amaris, Fiks Fare ju drejtua një tjetër laboratori të akredituar nga Ministria e Shëndetësisë për analizat e Covid-19. Brenda 24 orëve, gazetarja e Fiks Fare kreu në këtë laborator të njëjtat analiza që kreu tek laboratori Amaris në Laç. Përgjigja e analizave ishte e ndryshme nga ajo e laboratorit Amaris. Eritrosediment në laboratorin Amaris, gazetares së Fiksit i doli 20, ndërkohë që në laboratorin tjetër vlerat e Eritrosedimentit ishin brenda normës, 5. Pra Eritrosedimenti u ul në laboratorin e akredituar për analiza te covid 19.
Po kështu edhe vlerat e PCR u ulën dhe shkuan 1,65
Vlera e D-Dimer i cili në laboratorin Amaris doli në kufirin më të lartë, 427,28 ,në laboratorin e dytë,vlera e D-Dimer doli 210.
Fiks Fare për të marrë një përgjigje sa më të saktë iu drejtua Poliklinikës së Specialiteteve nr. 1 në kryeqytet.
Mjekja laborante Irma Dallaku në një intervistë për Fiks Fare shpjegon procesin e analizimit të gjakut.Sipas saj, procesi I analizimit të gjakut për analizën “gjak komplet” zgjat minimumi 30 min , ndërsa rezultati i Eritrosedimentit jepet për 60 min-90min
“Sa i përket gjakut komplet nga momenti i marrjes së gjakut deri në realizimin përfundimtar kërkon një kohë jo më shumë se gjysëm ore, pavarësisht aparaturave parimi i procedurës është i njëjtë, për Eritrosedimentin kërkon një procedurë gati 1 orë nga momenti i marrjes së analizës. Për sa i përket ekzaminitit të PCR na duhet minimalisht 1 -1 orë e gjysëm” shpjegon mjekja ndërkohë që gazetarët e Fiksit këto analiza i morën brenda 20 minutave në laboratorin Amaris.
Gjithahstu ajo tregon se është e çudtishme që të ndryshojnë vlerat e analizave për një pacient të shëndoshë brenda 24 orëve
Ndëresa në rastet e paceintëve të prekur nga covid, këto vlera mund të rriten brenda 24 orëve,por jo të ulen kaq shpejt.
Pra nga ana mjeksore vlerat e PCR dhe të D-Dimer që laboratori Amaris i nxorri të larta, kurrsesi nuk mund të uleshin brenda 24 orëve, pa trajtime mjekësore.
