Jonida Maliqi ka shumë vite që është kthyer në një emër të njohur në botën e muzikës. Së fundmi këngëtarja ka qenë e ftuar mbrëmë në programin “Style Star” në rolin e anëtares speciale të juries. Maliqi përveç se ka dhënë opinion e saj në lidhje me veshjet dhe stilet e konkurrentëve, ajo ka folur gjithashtu edhe pak për jetën e saj personale.
Këngëtarja është bërë nostalgjike duke treguar se nuk ka shkuar në mbrëmjen e maturës, por ka preferuar të kaloj një darkë romantike me të dashurin e saj. Kujtojmë se Jonida Maliqi ka qenë e lidhur me ish-burrin e saj, Gent Prizrenin që në moshën 17-vjeçare.
”Unë nuk kam shkuar në mbrëmjen e maturës. Klasa ime përbëhej nga 13 meshkuj dhe vetëm 6 vajza në Liceun Artistik. Për më tepër në atë periudhë unë po përjetoja një dashuri të madhe dhe i thashë mamit po shkoj në mbrëmje mature dhe dola për darkë me të dashurin”, është shprehur Jonida.
Kujtojmë këtu artistja është single dhe në një intervistë dy muaj më parë ka treguar se ‘ka nevojë të japë dhe të marrë dashuri”, por heziton të krijojë një lidhje të re për shkak të frikës se mos gabon dhe lëndohet. Ndër të tjera,ajo theksoi se po e shijon shumë të qenurit vetëm, ndërsa shtoi se përsa i përket lidhjeve “kohërat kanë ndryshuara dhe s’ka më etikë”.
g.kosovari
