Një grua ukrainase, e cila humbi një sy gjatë bombardimeve, është bërë imazh për kopertinën e revistës “Playboy”.
“Daily Mail” shkruan se Iryna Bilotserkovets u sulmua vetëm tre ditë pas fillimit të një pushtimi të plotë rus të Ukrainës.
Ndërkohë bashkëshorti i Iryna-s është ndihmës i kryebashkiakut të Kievit, Vitali Klitschko.
Nëna e tre fëmijëve ishte duke shëtitur me makinë me fëmijët e saj nëpër një lagje në Ukrainë kur makina e saj u godit nga disa plumba.
Duke folur për Playboy për jetën pas sulmit, ajo tha: “Mjekët në Ukrainë thanë se ndoshta do të vdisja. Nuk isha dakord”.
Modelja dhe prezantuesja televizive u detyrua t’i nënshtrohej një operacioni të vështirë në një spital në Berlin dhe që atëherë është bërë një simbol i rezistencës në Ukrainë.
Gjatë operacionit, zonja Bilotserkovets humbi një sy dhe mbeti me një nofull të thyer dhe plagë të konsiderueshme në trupin e saj.
“Nuk ishte fjala për të ruajtur bukurinë time, ishte një çështje nëse do të jetoja apo jo” -shprehet ajo
Zonja Bilotserkovets u shfaq në kopertinën e “Playboy” si pjesë e artikullit me titull “Gratë qëndrojnë të forta”, i cili ka në fokus rezistencën e grave ukrainase që janë plagosur gjatë luftës, por që nuk e kanë humbur etjen e tyre për jetë.
Duke folur për plagët e marra në sulm, ajo tha:
“Qepje, plagë, plagë gjithandej .Unë isha thjesht përbindëshi i Frankenshtajnit. Më ishte copëtuar nofulla, si një thupër. Unë nuk kam më një fytyrë të bukur, por pjesa tjetër e trupit tim është e bukur”./m.j
