Agron Shehaj tha mbrëmjen e djeshme në emisionin “Të PaEkspozuarit” se do të shkojë në SPAK e sidomos tani që Gjiknuri ka ngritur padi pasi ka gabuar me lidhjet familjare. Po ashtu Shehaj tha se Vangjeli mbron ministra të korruptuar. Ndërkohë gazetari Lorenc Vangjeli tha me ironi se ai do e mbrojë në procesin për shpifje.
Shehaj: Absolutisht do të shkoj në SPAK, sidomos duke patur parasysh që Giknuri ka bërë padi ndaj meje ku sipas tij paskam gabuar lidhjen familjare. Ta zbulojë SPAKU dhe të vendosë sa e rëndë është që të mos thuash që të dalësh nën një konkluzion, kshu e njeh Vlora.
Është qesharake të diskutohet e ka djalë xhaxhai e ka djalë tezja. Shqipëria vendi më i korruptuar në Evropë. Ne jo vetëm që nuk flasim, por e mbrojmë këtë gjë. Janë faktet.
Qindra mijëra të rinj po ikin nga Shqipëria se po vjedhin, nuk është gjë që mund të tallim. Njerëzit po ikin se zotëria (Vangjeli) mbron Gjiknurin, sepse Xhaçka thotë çfarë lidhje. Ne në studio mbrojmë të korruptuarit. Nuk merremi me problemin.
Vangjeli: Shih si i doli damari
Shehaj: E kam pasion o vlla, nuk kam kam ardhur e përgatitur për të mbrojtur ministren e korruptuar.
Vangjeli: Kjo që thua është marrëzi, duhet ta provosh. Jam më i zoti se ty, do të ndihmoj në procesin tënd për shpifje. E di cila është mbrojtja: Thuaj e bëra nga padija. Kaq dita kaq bëra.
