Policia greke finalizoi para pak ditësh atë që e cilëson operacionin më të madh anti-drogë, duke sekuestruar një skaf me 1.6 ton kanabis. Gjatë aksionit u arrestuan 11 persona, mes të cilëve dy shtetas shqiptarë. Njëri prej tyre që ishte skafist, u plagos gjatë aksionit pasi nuk po u bindeshin thirrjeve nga helikopteri i policisë greke për tu dorëzuar shkruan JavaNews.
Sot mediat greke raportojnë se tentativa e trafikut kishte lidhje me grupin e Habilajve. Sipas gazetaës greke Kathimerini e cila i referohet burimeve nga grupi hetimor, ky grup kishte tentuar edhe dy herë të tjera të trafikonte sasinë e drogës por u tërhoqën pas zhvilimeve në Itali me Habilajt.
Mjeti lundrues i cili u kap në brigjet e Korfuzit, u nis nga Himara ku kishte marrë ngarkesën. Sipas mediave greke, referuar burimeve hetimore, droga kishte destinacion final Turqinë./JavaNews/a.m.
