Nuk do të kemi mundësi të shohim ditën e mërkurë një përballje Mesi-Kristiano Ronaldo. Portugezi i Juventusi ka rezultuar sërish pozitiv në tamponin e dytë brenda pak ditësh, sipas të cilit shenjat e Coronavirusit janë ende në trupin e futbollistit. Si rrjedhojë CR7 nuk do të jetë në gjendje të zbresë në fushë në “Allianz” kundër Barcelonës.
Kujtojmë që Ronaldo është jashtë fushave që nga data 13 tetor dhe gjatë gjithë periudhës ka qenë asimptomatik dhe pretendohej se po e kalonte lehtë sëmundjen që të rikthehej në fushë sa më shpejt, por gjërat me sa duket janë ndryshe dhe beteja e tij me virusin ende nuk ka përfunduar.
Tamponi i fundit që i ishte bërë Ronaldos kishte treguar një nivel të ulët të virusit, si rrjedhojë Pirlo dhe e gjithë skuadra ishin optimistë dhe me shpresë që do ta kishin në dispozicion për këtë ndeshje kaq të rëndësishme.
g.kosovari
