Partia Socialiste ka gati draftin për programin e saj elektoral në zgjedhjet e 25 prillit. Socialistët janë duke kryer takime intensive për të finalizuar pikat e fundit të programit, dhe për të nisur prezantimin e tij për qytetarët.
“Shqipëria 2030”, është detaji në këtë draft program, që sic kryeministri Edi Rama është shprehur më herët, PS do jetë në pushtet deri në 2030, dhe lihet të kuptohet se është një program afatgjatë, një vizion për të ardhmen e Shqipërisë, siç kreu i qeverisë shkruan në një postim në rrjetet sociale.
“Drejt finalizimit të Vizionit Shqipëria 2030 dhe Planit të Veprimit 2021-2025”, shkruan shefi i mazhorancës.
View this post on Instagram
Më herët Rama është shprehur: “Deri në 2030-n PS-në do keni në pushtet me ose pa mua”. Ndërkohë slogani i socialistëve në këto zgjedhje është: “S’ka kohë për pushim!”.
Prioriteti që mazhoranca ka shpallur është ai i rindërtimit, çka pritet të zërë pjesën më të madhe të programit elektoral.
