Një 41-vjeçar shqiptar është arrestuar nga policia italiane për trafik droge. Nuk dihet se pse autoritetet i ishin “qepur” pas, edhe pse në dukje shqiptari bënte një jetë normale.
Pa asnjë precedent penal dhe duke drejtuar biznesin e tij, një lavazh, shqiptari s’kishte asgjë për t’u shqetësuar.
Por lëvizjet e dyshimta të tij tërhoqën vëmendjen e karabinierëve. Për të shuar dyshimet e policisë në një prej lëvizjeve të tij drejt veriut, 41 vjeçari shqiptar, ai udhëtoi së bashku me familjen e tij, me bashkëshorten dhe vajzën e tij të vogël, shkruajnë mediat italiane.
Në kthim ai u ndalua nga policia rrugore dhe menjëherë shfaqi shenja nervozizmi, veçanërisht kur efektivët vendosën kontrollin e bagazhit të makinës së tij.
Brenda makinës së tij, policia gjeti, 7 kilogramë hashash të fshehura në sendet e tij personale. Ai u arrestua dhe më pas u dërgua në burgun e Arezzos.
/a.r
