Nga ora 08:00 deri në orën 12:00 në mesditë janë regjistruar 40 lëkundje sizmike”
Ky është konstatimi që ka dhënë drejtori i Departamentit të Sizmilogjisë në Institutin e Gjeoshkencave, Rexhep Koçi.
Koçi është shprehur se pjesa më e madhe e lëkundjeve kanë qenë me magnitudë 2 të shkallës rihter.
Ndërkohë pas tyre, erdhi edhe tërmeti i madh që u ndje në Tiranë, Peshkopi por edhe qytete të tjera të vendit.
Më tej, Koçi tha se lëkundja më e madhe ishte ajo me magnitudë 4.5 ballë dhe me thellësi 10 metër, me epiqendër 13 kilometër në Bulqizë dhe rreth 40 km nga Tirana.
Prof. Asoc. Rexhep Koçi në një intervistë për “TemA” ka dhënë disa këshilla për njerëzit në momentet që ndiejnë tërmetin.
“Të mos shpërqendrohen, të mos humbin qetësinë. Të pozicionohen poshtë trarëve antisizmik, tavolinave të forta dhe objekte të tjera që mund të shërbejnë si mburojë e përkohshme nga rënia e objekteve, suvasë, tullave, etj. Te qëndrojnë larg objekteve të varura apo atyre që mund të shkëputen lehtësisht si rezultat i lëkundjeve të forta. Të mbyllin gazin apo energjinë, nëse është e mundur. Për godinat e larta të evitohet ashensori, pasi ai mund të bllokohet nga lëkundjet.
Të largohen sa më tepër nga ndërtesat dhe te qëndrojnë në fushë të hapur. Dhe e fundit, por jo nga rëndësia, të ndihmojnë njëri-tjetrin dhe ata në nevojë, pasi janë vetë banoret të parët në vend-ngjarje, përpara se sa forcat shpëtuese të mbërrijnë për t’ju ardhur në ndihmë,” është shprehur Koçi për “TemA”./a.m.
