Që prej mbrëmjes së djeshme qytetarët shqiptarë me pasaporta shqiptare nuk janë lejuar të kalojnë në pikën kufitare të Kakavijës nga pala greke e cila ka nxjerrë si justifikim problemet me sistemin kompjuterik.
Situata është e rënduar pasi janë krijuar radhë të gjatë, për shkak se edhe mjetet të të gjitha llojeve nuk lejohen të kalojnë. Nisur nga apeli i qytetarëve, Ministri i Jashtëm Ditmir Bushati që ndodhej në Derviçan për një takim me banorët, është nisur drejt Kakavijës. Bashke me ministrin Bushati ndodhet edhe Ministrja e Kultures, Mirela Kumbaro.
Ne nje prononcim te shkurter per mediat Bushati u shpreh edhe para qytetareve te bllokuar se jane ne kontakte te vazhdueshme me palen greke e cila deklaron se ka nje renie te sistemit thuajse ne te gjitha pikat kufitare. “Duhet te jemi pak te duruar pasi nese eshte ceshtje sistemi duhet te presim qe ai te rregullohet. Pala greke do te dale ne nje konference shtypi”, deklaroi Bushati, i cili nenvizoi se nuk beson se kjo eshte dicka e qellimshme.
Nuk dihet nëse do të rezultojë e suksesshme kjo vizitë e Bushatit dhe situata do të zhbllokohet në Kakavijë. Probleme të njëjta kanë ndodhur edhe në Kapshticë dhe Qafë Botë ku kalojnë vetëm shtetas me dokumente greke dhe të zonës Schengen.
ma.me
