Situata e jashtëzakonshme në Kumanovë ka sjellë edhe reagimin e Bashkimit Evropian. Është eurodeputetja Tanja Fajon e cila thekson se është e shqetësuar për atë që po ndodh në Kumanovë.
Sipas Fajon është tensioni politik i cili ka prodhuar këtë konflikt, duke u shprehur se mazhoranca dhe opozita duhet të gjejnë gjuhën e përbashkët të mirëkuptimit.
Eurodeputetja bën thirrje që të ndalohet dhuna në mënyrë që të mos ketë përshkallëzim të situatës.
“Më vjen keq për jetët e humbura dhe personat e plagosur, dhe jam shumë e shqetësuar për shkak të situatës politike të tensionuar, ku partia në pushtet dhe opozita nuk mund të bisedojnë me gjuhën e mirëkuptimit dhe bashkëpunimit. Protestat e javës së kaluar treguan se sa të pakënaqur janë qytetarët nga pushteti i tanishëm, por e gjithë kjo që po ndodhë në Kumanovë është alarmuese. Me rëndësi është të ndërprehet dhuna, të pengohet eksalimi i situatës”, tha Tanja Fatjon, eurodeputetja sllovene.
