Presidenti Ilir Meta ka reaguar sërish lidhur me situatën e krijuar nga reshjet intensive të shiut, që kanë sjellë përmbytje në zona të ndryshme. Kreu i shteti u ka bërë apel qytetarëve të bashkëpunojnë me grupet e Emergjencave Civile për të shmangur humbjet njerëzore.
Meta shpreh përmes rrjeteve sociale solidaritet me familjet e prekura ndërsa shton se është duke ndjekur nga afër situatën.
Postimi i Metës:
Të dashur qytetarë, në këtë situatë emergjente të rreshjeve, të cilat nuk kanë të ndalur prej ditës së djeshme, jam me çdo familje në vështirësi, duke iu shprehur solidaritet të plotë.
Dua t’i ftoj të gjithë të bashkëpunojnë me forcat e ushtrisë, policisë dhe Emergjencave Civile që janë në terren, duke i falenderuar dhe inkurajuar që të vazhdojnë të jenë pranë qytetarëve për të kaluar këtë situatë dhe parandaluar përshkallëzimin e saj.
Falenderoj mediat për informimin, lehtësimin e komunikimit dhe bashkëpunimin me qytetarët dhe autoritetet.
