Ministria e Mbrojtjes jep informacion për situatën e përmbytjeve në disa zona të vendit si pasojë e shirave të dendur që ranë dy ditët e fundit.
Sipas ministrisë së Mbrojtjes situata është përmirësuar dhe ka rënie të nivelit të ujit në gjithë pellgun Levan-Ura e Mifoli-Novoselë. Forcat e Armatosura janë prezente me 150 efektivë në terren si në Levan, Ferras dhe Novoselë.
Një kontingjent i FA dhe dy pompa thithëse uji janë nisur për në fshatin Darezeze, pasi pritet të ketë grumbullim të ujit gjate ditës se sotme.
Sipas ministrisë, në Novoselë mëngjesin e sotëm është bëre evakuimi i dy banoreve të cilët kanë kërkuar ndihmë.
***
Edhe pse niveli i prurjeve të lumit Vjosë ka rënë me 40 cm, situata vijon të jetë e rënduar në fshatrat Fitore dhe Novoselë të Vlorës.
Mësohet se 77 banesa janë nën ujë, 7 në Novoselë dhe 70 në Fitore.
Niveli i ujit ka arritur deri në 2 metra në banesa. Rrugët që lidhin këto fshatra janë totalisht të bllokuara nga uji.
a.ç
