Në një kohë kur reforma zgjedhore është kryefjala e politikës shqiptare, ishte deputetja Rudina Hajdari e cila si rrufe në qiell të hapur hodhi në publik me shumë finesë një propozim të ri.
Sipas saj Shqipërisë i duhet një sistem zgjedhor si ai danez.
Zonja Hajdari u kujdes që këtë propozim ta ambalazhonte me një paketim mbështetje, që sipas saj vinte nga selia diplomatike e Washingtonin në Tiranë.
Në fakt deri më tani Ambasada Amerikane nuk ka bërë asnjë koment mbështetës apo refuzues të asaj çfarë ka deklaruar deputetja Rudina Hajdari.
Sistemi zgjedhor danez i jep përparësi partive të vogla përmes proporcionalit rajonal me korrektim kombëtar e me lista të hapura.
Kjo do të thotë se nëse një kandidat për deputet është i renditur në fund të listës, por merr shumë vota, atëherë mund të fitojë mandatin.
Ky lloj sistemi përfshin dy lista për tu votuar.
E para është lista e hapur ku mund të votohet preferencialisht kandidati për deputet, ndërsa lista e dytë është ajo e mbyllur kombëtare ku votohet partia respektive.
Që një parti të hyjë në Parlamentin e Danimarkës i mjafton që të sigurojë 2% të votave në rang kombëtar.
Ky prag i ulët, ndihmon partitë e vogla apo partitë e reja që të hyjnë në Parlament dhe thyen dominimin e ‘partive të vjetra’.
Ky propozim i Rundina Hajdarit nuk është edhe aq i rastësishëm.
Prej kohës në qarqet politike diskutohet ideja se zonja Hajdari sëbashku me deputetin Ralf Gjoni në të ardhmen mund ti bashkohen një force të re politike e cila prej vitesh zhvillon aktivitet politik në formën e një nisme. /TCH/
/e.rr
Pa tjeter duhet te ndrrohet sistemi zgjedhor,Ky system qe thote Z Hajdari eshte ideali,largon komunistat e spiunte e vjeter te 3 partve qe kane shkatrruar vendin.Me pa turpsine me te malle ai laperi,gjiknuri I edvinit thote po u ndrru sistemi duhet te nderhyjme ne kushtetute.Kta pleha skane turp te zene Kushtetuten ne goje qe e kane bere si lecke,por eshte si shkak qe nuke duan ndrrimin e sistemit grabitqarte e vjeter te 3 partive.