Kryeministri Edi Rama ka folur në përurimin e një spitali të ri privat në kryeqytet, nga ku tha se qëllimi i qeverisë është që të garantojë autonominë e sistemit shëndetësor, në mënyrë që konkurenca dhe cilësua e insititucioneve shëndetësore të rritet.
Rama shtoi gjithashtu se qeveria po punon drejt realizimit të mbulimit universal shëndetësor, duke shtuar se do të përfshihet së shpejti në skemën e rimbursimit e gjithë ajo shtresë e personave të pasiguruar.
“Nëse sot të gjithë jemi të vetëdijshëm për hapat e hedhura në drejtim të rilindjes së sistemit shëndetësor, situata është larg së qeni një situatë e kënaqshme, është e pamundur të imagjinojmë nnjë proces të suksesshëm stimulimi, pa imagjinuar përfshirjen e sa më shumë operatorëve në këtë sistem.
Sot patjetër që mund të vihet re një përmirësim në aspektin e lehtësimit të aksesit në shëndetësi, duke filluar nga barnat, që kushtojnë 17 mln më pak në tërësi sesa 3 vjet më parë. Nga ana tjetër janë 85 barna të reja në listën e rimbursimit, prej të cilave përfitojnë 125 mijë qytetarë shqiptarë.
Do të përfshijmë plotësisht në rimburim të gjithë ata që janë të pasiguruar, duke krijuar një tjetër kusht themelor, sistem me mbulim universal, ku nuk ka rëndësi sa para ke në xhep për të marrë shërbimin që meriton
Dua të ndalem sepse besoj që njësoj siç kemi vepruar dhe do vijojmë, në sistemin arsimor, ku për ne nuk është e rëndësisshme nëse shërbimi merret në universitetet publike apo private, por është e rëndësishme që kriteret dhe standartet të jenë të garantuara… të njëjtën gjë duam të bëjmë edhe në sistemin shëndetësor, kuy për ne është e domosdoshme që konkurenca të garantohet përmes një procedure të unifikuar të akreditimit… e unifikuar pavarësisht nëse spitali është publik apo privat.
Është me shumë rëndësi për ne që trupa e mjekëve të jetë bashkërenduese e nevojave dhe prioriteteve në gjithë procesin e vendimarrjes në funksion të cilësisë së shërbimit spitalor.”- tha Kryeministri./java/a.k
