Agjencia Meteorologjike e Japonisë (JMA) lëshoi sot një paralajmërim për tërmet me magnitudë 9.9 ballë, por e tërhoqi atë pas disa minutash, pasi rezultoi se sistemi i paralajmërimit të hershëm kishte gjeneruar një alarm të rremë.
Ky është tërheqja e parë e një paralajmërimi për tërmet emergjent në historinë e Japonisë dhe JMA po heton shkakun e gabimit.
Paralajmërimi thoshte se tërmeti do të ndihej nga Hokkaido deri në rajonin Tokai, por e vetmja dridhje e regjistruar ishte me magnitudë një, një nivel që shumica e njerëzve mezi e vënë re, raportoi Japan Times.
Edhe pse ky nuk ishte alarmi i parë i rremë i gjeneruar nga sistemi i paralajmërimit të hershëm, ai ishte i rëndësishëm në fushëveprimin e parashikimit dhe mënyrën se si u tërhoq.
Ajataka Ebita, kreu i divizionit të monitorimit të tërmeteve dhe cunamit në JMA, tha në një konferencë për shtyp se sistemi i agjencisë kishte lokalizuar gabimisht epiqendrën e tërmetit pranë Ishujve Kuril dhe kishte mbivlerësuar magnitudën e tij, duke shkaktuar paralajmërimin fillestar.
Tërmeti më i fortë në histori , i cili goditi Biobio në Kili në vitin 1960, arriti një magnitudë prej 9.5 gradësh.
Sistemi i Paralajmërimit të Hershëm për tërmetet mbështetet në sizmometra në stacione të ndryshme vëzhgimi, të cilët mbledhin të dhëna për të parashikuar vendndodhjen, madhësinë dhe intensitetin e parashikuar të tërmeteve.
The post Sistemi i paralajmërimit të hershëm i Japonisë lëshon alarm të rremë për një tërmet me magnitudë 9.9 ballë appeared first on Euronews Albania.
Burimi: Botë
